General Santos City–Sayop sa mga contractor nganong nadelatar ang mga hard infra projects sa syudad sa Gensan mao kini ang gihingusgan ni engineer Kits Provido ang labaw sa City Engineers Office (CEO).
Nasayran nga una nang gikabutyag ni Kagawad Edmar Yumang nga sa 94 ka mga proyekto matud pa sa syudad 47 niini ang palpak kon giabandona, nakamulta o grabi na kadelatar ang pagkahuman.
Sumala pa niini nga basi matud pa sa ulahing consultative meeting nga gipahigayon ni Kagawad Atty. Edmar Yumang sa mga palpak nga proyekto sa syudad migula nga sayup kini sa mga contractor tungod kay gidawat nila ang mga proyekto nga wala man diay kapasidad nga mahuman ang proyekto.
Apan gipaklaro ni Engineer Provido nga sila sa City Engineers Office ang naghimo sa ilahang trabaho pinaagi sa pagmonitor sa mga project nga ginapahigayon sa syudad aron nga masiguro mahuman kini.
Tungod matud pa sa mga mga engineer nga gikan sa goberno mamonitor sa syudad kung unsa ka paspas ang pag trabaho sa mga contractor sa ilahang mga proyekto ug pinaagi matud pa niini gilayong mareport sa ilahang buhatan kung unsa na kadako ang nahuman sa mga nasampit ug kung hinay matud pa ang pagpatuman sa proyekto , dinhi na ang panahon nga magpahamtang ug penalty sa mga contractor.
Gipaklaro usab ni Engineer Provido nga ayha nila aprobahan sa Bids And Award Committee (BAC) ang mga contractor miagi na kini ug daghang mga background check sama sa ilahang financial capacity ug mga nahuman na nga proyekto sa maong mga contractor.
Samtang sa mga mi-abandona sa proyekto nga mga contractor ang mamahimong mapasakaan ug kaso sa local government unit tungod kay breach of contract ma kini.
Samtang sa milabay nga duha ngadto sa tulo ka tuig miabot na ngadto sa 94 ang proyekto sa syudad apan basi sa nahimong pagbuyag ni Kagawad Yumang 47 niini ang palpak.(Dave Silagan)
