General Santos City— Naka-paskil na sa buhatan sa COMELEC Gensan ang listahan sa mga botante nga mamahimong makaboto sa umaabot nga election sa Mayo 13.
Sumala kang Atty. April Miguel, Election Officer sa COMELEC Gensan nga gawas sa nakapaskil sa ilahang buhatan nakatakda usab sila nga manghatag ug kopya sa matag barangay.
Kini aron ga dili na malisdan nga mag-adto pa sa COMELEC Gensan aron lang tan-awon kung anaa sa listahan ang ilahang mga pangalan.
Dugang pamahayag ni Atty. Miguel nga sa karon anaa sa 301, 000 ang nakarehistrong botante sa COMELEC Gensan apan duna matud pa silay mga napang-deactivate.
Kung asa kini ang gilangkuban sa mga mipanaw na base sa listahan gikan sa LCR, mga nagdoble ang pangalan o mga botante nga naka-rehistro sa ubang lugar.
