Gin-reshuffle sang Archbishop of Jaro ang mga kapari-an sa siyudad kag Probinsya sang Iloilo.
Sa ginpaguwa nga Listahan sang Parish Assignments ni Archbishop Angel Lagdameo nga napetsahan Nobyembre 6, ginpahayag sini nga ang pagsaylo sang assignments sang kapari-an ang kabahin lamang sang normal nga hilikuton sang simbahan.
Ginpahayag ni Msgr. Jose Marie Delgado nga maga-epekto ang bag-o nga assignments sang kaparian sa maabot nga Disyembre 3.
Samtang, ginpahayag nga ang mga tumuloo sang Distrito sang Molo ang nagdihon sang petisyon agud ipabilin sa St. Anne Parish si Father Espiridion “Boy” Celiz.
Nahibaluan nga si Father Celiz ang gin-assign na sa Barotac Nuevo Parish Church base sa ginpaguwa nga re-assignment sang Archbishop sang Jaro.
