Tapaz, Capiz – Patay ang isa ka persona matapos nga ginluthang sang wala makilala nga mga suspek sa Brgy. Daan Banwa, Tapaz, Capiz mga alas 4:30 sang hapon sang nagligad nga adlaw.
Nag-angkon sang igo sa ulo, dughan kag paa ang biktima nga ginkilala kay Reynaldo Gardose y Jimenez, 35-anyos isa ka panday kag tumandok sang nasambit nga lugar.
Suno sa imbestigasyon, ginsundan sang mga suspek ang biktima samtang nagapauli na ini sa ila poluy-an antes ginluthang. Ang pagtimalos kag may kaangtanan sa utang ang ginasunod nga motibo sang mga kapulisan.
Facebook Comments
