Walo ka pasahero ang naluwas human nalunod ang ilang gisakyan nga pumpboat gikan sa Isla sa Olango paingon unta sa mainland Mactan kaganinang sayo sa buntag.
Sa report sa hepe sa Lapulapu City Disaster Risk Reduction and Management Office, Nagiel Bañacia , nipugos pagtabok sa lawod ang motor banca gikan sa isla bisan ug nagpadayon ang dautang panahon .
Giingong napagngan ug makina ang pumpboat ug tungod sa kadagku sa bawod nalunod gyud ang bangka.
Apan naluwas sila sa kapitan sa Barangay San Vicente, Cyrus Eyas ug gidali pagda sa Hilton Wharf aron mahiling ang ilang kondisyon .
Matud ni Bañacia anaa ra sa luwas nga kondisyon ang maong mga pasahero .
Pipila ka adlaw nga wa pabiyahia ang mga motor banca gikan sa isla sa Olango paingon sa mainland Mactan tungod sa giisyu nga gale warning sa Kabisay-an.
