Pormal na nga gipasakaan sa korte ug kaso ang mga person of interest sa mipusil patay sa usa ka biktima didto sa Brgy. Tinaplan lungsod sa Sindangan.
Kahibaloan nga nahitabo ang pagpamanhig niadtong miaging semana samtang nagkalakaw pauli ang biktima nga si Garry Mandawan Andayan, uban sa iyang asawa ug kaliwat.
Swerte usab ang kauban sa biktima nga misulay ug tabang nga mao si Bernabe Banugon Agom human kini pusila ug apil apan wala nakabuto ang armas hinungdan nga mipalayo kini sa lugar nahitaboan.
Ang gipasanginlan sa gihimong pagpamanhig mao sila si Rufino Banugon Agom, Consil Malig-on, Rudy Mandawan Agom, ug Jessie Mandawan Agom, nga taga Sitio Lingkunan, Brgy. Tinaplan sakop sa maong lungsod.
Sa gihimong pag imbistiga sa kapulisan sa Sindangan, personal nga bangi ug away sa yuta ang motibo sa pagpamusil patay sa biktima.
Attempted Parricide with criminal case no. S-5740 (for Consil M. Agom only); Murder with criminal case no. S-5741 (for Consil M. Agom, Jessie M. Agom, Rufino B. Agom & Rudy M. Agom) and Attempted Murder with criminal case no. S-5742 (for Jessie M. Agom, Rufino B. Agom & Rudy M. Agom). All cases were already filed in court at RTC Branch 11, Ninth Judicial Region, Sindangan, Zamboanga del Norte on April 18, 2018.
Napasakaan na ug kasong Attempted Parricide ug murder si Consil M. Agom; Samtang Attepted Murder ug Murder usab ang gipasaka nila ni Jessie M. Agom, Rufino M. Agom, ug Rudy M. Agom.
Ang maong mga kaso gisang-at kini sa RTC branch 11 9th Judicial Region, Sindangan.
Kasamtangan karong nagtingkagol sa balay bilangguan ang duha ka dinakpan nga sila si Consil Agom ug si Jessie Agom, samtang ang duha napasakaan na ug kaso apan padayon pa kining gipangita sa mga tinugyanan sa balaod human nagtago-tago.
