Mga persona nga dakop sa raid sa Brgy Tabuc Pontevedra, madugay na nga ginatutokan sang mga kapulisan!

74

Pontevedra, Capiz – Ginsiling sang hepe sang Pontevedra Municipal Police Station nga si Police Major Christopher Candelario nga antes pa man ginkasa ang pagserbe sang search warrant, madugay na nga ginpaidalom sa surveillance ang aktibidad sang apat ka mga persona sa Barangay Tabuc, Pontevedra, Capiz. Madumdoman, dakop ang mga suspek nga sanday Ricardo Biclar, Jr., 39 anyos, anay barangay kagawad; Remuel Mayo, 33 anyos; Jeric Daliva kag Joselito Espurtuno nga lunsay mga residente sang amo nga barangay. Narekober sang mga otoridad sa poluy-an ni Biclar ang lima ka sachets sang suspected shabu kag mga drug paraphernalia; duha ka sachets sang suspected shabu kag mga drug paraphernalia naman ang nakuha sa balay ni Remuel Mayo samtang may nakuha man empty sachets sang iligal nga droga balay nanday Daliva kag Esportuno. Samtang aminado naman si Punong Barangay Boyet Dullano nga drug surrenderee ang isa sa mga subject person nga si Biclar. Ang mga suspek ang magapangatubang sang kaso nga paglapas sa Republic Act 9165 okun Comprehensive Dangerous Drugs Act of 2002. Ang nasambitan nga operasyon ang ginkasa sa bulig sang mga katapo sang Provincial Drug Enfrocement Unit sang Capiz PPO, Pontevedra kag Pilar Municipal Police Station kapartner ang Philippine Drug Enfrocement Agency (PDEA)- Capiz.

Facebook Comments

From Advertisers