Duha ka dalagku-an nga transport groups ang kumpirmado nga maga-upod sa nationwide transport strike sa maabot nga lunes – Setyembre 30, alas 5 sang aga tubtob alas-6 sang gab-e.
Diri sa Bacolod kag Negros Occidental, maga-upod sa untat byahe ang mga miembro sang SSTONE – Sentrong Samahan ng Tsuper at Operators kag sang Federation Bacolod City Drivers Association – FEBACDA.
Samtang ang UNDOC ukon United Negros Drivers and Operators Centers ang maga-meeting pa subong nga adlaw (September 26) kon maga-upod sila sa nationwide transport strike.
Suno kay STTONE Secretary General Jessie Ortega nga nagapangayo na ini nga daan sang pasensya kag paghangop gikan sa publiko bangud nga posible ma-paralize ang public transport sa maabot nga lunes.
Gina-hangyo man ni Ortega ang iya mga kaupod sa transport sector ilabi na ang mga taxi operators nga updan ang ila nga kawsa.
Lakip sa mga isyu nga gina-raise sang SSTONE, FEBACDA kag UNDOC amo ang alang-alang nga pag-implement sang jeepney modernization program, ang asud-asod nga pagtaas sang presyo sang langis kag pagpull-out sa syudad sang Bacolod sang opisina sang LTFRB.
