Cuartero, Capiz – Ginkumpirmar ni PO2 Dordas sang Cuartero PNP nga ang mga nadakpan nga mga persona sa Iloilo amo ang mga suspek nga nagpanghold-up sa isa ka lending collector sa Brgy. Malagab-I, Cuartero, Capiz sang nakaligad nga Setyembre 18.
Sa madumdumn, nakuha sang mga suspek sa biktima nga si Ronel Nabor, isa ka lending collector kag residente sang Brgy. Jaena Norte, Jamindan, Capiz ang P500 nga cash, cellphone, kag motorsiklo nga ginagamit sang biktima sa pagpangolekta. Sa ginakasa nga buy bust operation sang mga kapulisan sa Banate, Iloilo; natigayon nga madakpan si Glen Rude Talon, 22 anyos kag residente sang Barangay De La Paz, Banate, Iloilo.
Nakuha kay Talon ang 8 tanan ka plastic sachet sang ginpatihan shabu kag isa ka Honda TMX 155 nga ila nakuha sa paghold-up sa isa ka lending collector sa Capiz. Samtang sa separado naman nga buy bust operation sa Passi City, Iloilo; dakop man si Nemoiar Dichosa y Diaz.Magluwas sa iligal nga droga, nakuha man kay Dichosa ang isa armasluthang. Suno kay PO2 Dordas, ginapreparar na nila sa subong ang nagakaigo nga kaso batok sa amo nga mga persona.
