By: Joanna Ricote
Gipahigayon kaganinang buntag ang ikaduhang hugna sa drug test sa Cagayan de Oro City Police Office, alang karong tuiga.
Matud ni Police Chief Insp. Mardy Hortillosa, ang spokesperson sa COCPO, nga kini ang sumpay sa gipahigayon nga drug test niadtong December 13, 2017, kung asa mikabat sa 309 ka mga personahe ang mipa ilalom sa maong drug test.
Ning adlawa, laing hugna sa drug test ang ilang gipahigayon kung asa naglangkob kini sa mga wala nalakip sa drug test niadtong December 13.
Kadaghanan sa maong mga personahe ang gikan sa City Mobile Force Company ubos sa COCPO.
Nasayran nga sa higayon nga mag positibo ang usa ka personahe sa COCPO sa maong drug test, mag atubang kini sa dismissal nga kaso.
Sa kasamtangan, wala pa migawas ang resulta sa gipahigayon nga drug test niadtong December 13.
