Mokabat sa dili mominus usa ka libo ka mga police operatives gikan sa lain laing Drug Enforcement Unit sa Northern Mindanao ang gipaubos sa surprise drug testing kagahapong adlawa.
Kini nahitabo atol sa 1st Anti Drug summit nga gipahigayon sa PNP Regional Headquarters sa Camp Vicente Alagar sa Barangay Lapasan ning syudad sa Cagayan de Oro.
Matud ni Supt. Rodolfo Hernandez, Hepe sa Regional Intelligence Division sa Camp alagar nga ang maong surprise drug testing tipik sa ilang nagpadayong kampanya paglimpiyo sa PNP organization sa Region 10
Matud ni Police Regional Office 10 Director Chief Supt. Timoteo Pacleb nga ang maong surprise drug test mao ang pagsiguro nga ang ilang mga police operatives wala gayud malambigit sa paggamit sa illegal drugs.
