Nagpabugnaw na karon sa balay bilangguan ang mga pinangita sa balaod human kini sila nasikop sa gihimong operasyon sa kapulisan sa Leon B. Postigo, partikular mente didto sa brgy. San Isidro, Sta. Maria sakop sa maong lungsod.
Malampuson nga naaresto si Dondel A. Tao alyas, Dondon Tao, giilang top 4 Most Wanted Person Municiap Level, 39 anyos.
Sikop usab si Lolito Tao alyas Loloy, Top 3, Most Wanted, 36 anyos, lain pang Gernesto Tacloban alyas Toto Tacloban, Top 7 Most Wanted, 47 anyos ug si Bert A. Tao, Top 8 most wanted, 40 anyos, silang tanan pulos residente sa nahisgutan nga Barangay.
Ang maong mga dinakpan aduna kini sila tanggong nga warranto of arrest sa kasong Attempted Murder, penetsahan ug Agosto 17, 2017.
Ang korte adunay gitanyag nga pyansa sa kantidad nga P120,000mil.
Kasamtangan karong nagtingkagol sa balay bilangguan didto sa Leon B. Postigo ang mga dinakpan.
