South Cotabato — Mukabat sa 240 board feet sa mga ginabas nga kahoy ang nakumpiska sa Tboli PNP ug MENRO Tboli sa nabukid nga bahin sa Barangay Tbolok, Tboli, South Cotabato.
Subay sa report giabandona lang sa wala pa mailhing mga tawo sa nasampit nga lugar ang maong mga kahoy.
Gikaingong sakop sa wildlife protected area sa Barangay Tbolok ug Salacafe ang lugar hain nakaplagan ang maong mga pinutol nga kahoy.
Sa imbestigasyon sa Tboli PNP, posibleng dad-on ug ibaligya sa Gensan ang maong mga kahoy.
Sa Kasamtangan anaa na sa kustudiya sa Tboli PNP ang narekober nga kahoy ug takda man usab kining iturn-over ngadto sa MENRO Tboli, samtang padayon pa usab nga ginasuta sa kapulisan sa Tboli ang mga responsabli sa pagputol ug pagbilin sa mga kahoy didto sa maong lugar.
