Mga Police nga nagadawatan ug lagay sa mga iligalista -gibaharan

9

General Santos City—Gibaharan ni Brig. Gen. Alfred Corpus, PNP regional Director sa Police Regional Office 12 ang mga pulis nga nagadawatan ug suborno gikan sa mga iligalista nga aduna gayod kabutangan ngadto kanila higayon nga sila madakpan.

Sumala pa ni Police Brig. Alfred Corpus atol sa gipatawag niini nga press conference sa Police Regional Office 12 nga walay lugar sa ilahang han-ay ang mga kurakot nga mga Police gani aduna na kini napermahan nga kamanduan sa pagpatangal sa tulo ka mga pulis nga na-involve sa sabong.
Gani gimanduan niini ang tanang city ug provincial director nga sakop sa PRO 12 nga undangon ang tanang iligal sa ilahang mga area partikular na ang iligal nga sugal agig pag sunod sa kamanduan ni Police General Archie Gamboa ang bag-ong Chief PNP.


Pamaagi matud pa kini aron nga mapakita sa katawhan nga ang kapulisan sa rehiyon ang wala nagalambigit sa susamang binuhatan hilabi na ang pagprotekta ug pagdawat ug lagay sa mga iligalista.

Dugang pa niini nga ug adunay muabot sa iyahang opisina nga mga impormasyon batok sa usa ka pulis gilayon niya kini pa imbistigahan ug ang pulis nga na involve ang ma relieve sa iyahang pwesto.

Nangayo usab kini ug tabang sa media nga tabangan sila sa pag pahibalo sa katawhan ang maong kamanduan aron matabangan sila sa mga sibilyan nga mabantayan ang mga pulis nga dunay dautang binuhatan aron nga gilayong masumbong ngadto kaniya.(Dave Silagan)

Facebook Comments