Pro12, motabang sa kampanya batok N-CoV

11

General Santos City–Kanunay nga andam matud pa ang kapulisan nga moresponde sa mga reported nga mga indibidwal nga nakasinate ug mga sintomas sa novel-coronavirus sa Rehiyon 12.

Kini alayon sa una nang pahayag sa Department Of Health nga ang PNP ang mamahimong pinaka-una nga responder higayon nga adunay mga nakasinati ug sentomas sa N-CoV.
Sumala pa ni Police Brigadier General Alfred Corpus ang Regional Director sa PRO-12 nga aduna na silay ginahimong koordinasyon sa DOH alang usab sa ilahang pagpangandam sa Novel Coronavirus kung asa gipangunahan kini ni Police Col. Ernesto Tendero Jr. ang Deputy Regional Director For Operation.
Dugang pa ni Brig. Gen Corpus nga bisan paman ug wala pay kompermadong kaso sa n-CoV sa rehiyon ilaha nang gi-activate ang ilang disaster Incident Management Task Group (DIMTG) aron nga maka siguro nga dili gayud malutsan ug N-CoV ang rehiyon kung asa andam matud pa ang ilang Reactionary Standby Support Force (RSS) aron nga gilayong makaresponde.
Apan gi-angkon ni Regional Director Corpus nga kulang sila ug ekepo batok sa N-CoV apan ginapaningkamutan sa ilang National Headquarters nga mahatagan sila ug mga ekepo nga mamahimo nilang magamit sa kampanya nila batok N-CoV.(Dave Silagan)


Facebook Comments