General santos City–Gimanduan na sa labaw sa kapulisan sa Sarangani nga si Police Sr. Supt. Abul Kyr Macalancom ang tanang hepe sa kapulisan sa pito ka munisipyo sa probinsya nga mag-igmat batok walhong pundok.
Sumala ni Police Supt. Teody Condesa, tigpamaba sa Sarangani Police Office nga hugtanong gimando sa ilang labaw ngadto sa mga kwerpo sa kapulisan nga mas pahugtan pa ang ilang pagbantay aron dili malutsan sa mga armadong grupo hilabi na ang NPA.
Kampante usab si Condesa nga sila dili malutsan hilabi na nga adunay dugang police personnel nga gi-augment sa ilang AOR.
Nasayran nga adunay mga bag-ong police karon nga gipang-apud apud sa nagkandaiyang police station sa Sarangani isip dugang sa ilang pwersa.
Samtang padayon usab sa panawagan ni Condesa sa katawhan nga kung duna silay mga mamatikdang armadong mga tawo sa ilang lugar, mamahimo nila kining ireport sa kapulisan ug sa militar aron hilayong marespondihan.
