Bisan ug dili direktang maigo ang Central Visayas ni bagyong “Ompong” apan nangandam gihapon ang kapolisan sa rehiyon sa maong kalamidad .
Ang bagyo mopakusug sa habagat ug maoy magda ug mga pag uwan sa kabisay-an apil na ang region 7 ug mahimong delikado sa mga lugar nga daling magbaha o modahili ang yuta.
Subay niini si Police Regional Office-7 director Chief Supt. Debold Sinas nimando sa tanang city ug provincial director sa kapolisan nga isaka ang ilang alert status gikan sa normal ngadto na sa full alert .
Lakip sa gipaandam ni Sinas mao ang mga sakop sa Regional Mobile Force Batallion 7 aron nga kung magkinahanglan ug abag ang Luzon dali ra silang madeploy ngadto sa maong rehiyon.
Facebook Comments