Mga private hospital owner’s kag mga government hospital administrator sa South Cotabato magapatigayon sang pagsinapol subong nga adlaw angot sa referral system.

Magapatigayon sang pagsinapol subong nga adlaw ang mga private hospital owners kag mga government hospital administrator dire sa probinsya sang South Cotabato agud nga istoryahan ang proseso nga himuon sa pagrefer sang mga pasyenti sa PUI Confinement Center.
May-angot sini, ginaadvice ni Dr. Aturdido sa mga may sintomas sang COVID-19 kapareho sang ubo, sip-on kag lagnat nga indi magdiritso sa mga private health facilities kundi magcoordinate anay sa ila nga private doctors ukon mag-agi sa barangay health emergency and response team.
Ginkumpirmar man ni Dr. Aturdido nga suportado naman sang local chief executive ang paghimo sa isa ka ospital sa iya nga area nga PUI confinement center nga may-yara pa sang nakit-an pa nga problema kapareho sang kakulangan sang protective equipments kag iban pa amo nga wala pa nabuksan sang Sabado nga adlaw.
Samtang liwat naman nga ginaapela ni Dr. Aturdido sa mga pumuluyo nga ipatuman gid ang proper handwashing, regular nga disinfection kag ang social distancing agud nga indi magdugay ang ginaatubang nga COVID-19 crisis.

Facebook Comments