Mga produkto nga sa idaeom ko pagmonitor it DTI-Aklan, sa normal nga presyo gihapon

47

Kalibo, Aklan — Sa normal nga presyo gihapon rong mga produkto nga una sa idaeom kung pagmonitor it Department of Trade and Industry ukon DTI-Aklan.
Suno kay Ma. Carmen I. Ituralde, Officer-in-Charge-Provincial Director it DTI-Aklan nga base sa andang regular nga monitoring sa mga basic commodities ag prime commodities nga sa idaeom ku andang hurisdiksyon sa supermarket, groceries ag stores hay sakop man gihapon it SRP ro andang presyo.
Kung ikompara ro buean it Enero makaron nga buean it Pebrero hay may pagtaas sa buean it Enero nga mga 3-5% sa presyo pero nakasueod pa gihapon sa SRP.
Sa mga produkto mat-a nga sakop gihapon nanda ag naapektuhan ko ginatawag nga “Tax Reforn for Acceleration” ukon TRAIN Law hay may nagtaas man pero sa 1% hasta 3% malang man ag ro iba pa ngani kapareho ko ibang brand it noodles, detergent soap ag condensed milk hay nagnaba pa.
Ro ginatawag nga mga basic necessities hay kamana ko canned fish and other marine products, locally manufactured instant noodles, processed milk, laundry soap, detergent soap, candles, bread, salt, potable water in bottle and container ag kape.
Samtang ro mga prime commodities hay harina, processed/canned pork, processed canned beef ag poultry meat, vinegar, patis and soy sauce, toilet soap, paper ag school supplies, semento, G.I. sheet, halloow blocks, nails, electrical supplies, batteries and light bulbs.
Dugang pa ni Ituralde nga may una nga 5 ka mga implementing agencies ro naga implementar it Price Act, Department of Agriculture (DA) para sa mga Agricultural Products; Department of Environment and Natural Resources (DENR) para sa mga fly wood, kahoy ag uling; Department of Energy (DOE) para sa mga produktong petrolyo ag LPG; Department of Health (DOH) para sa mga medicines ag DTI para sa prime ag basic commodities.

Facebook Comments