GINSITA | Traysikol driver ginsita, ginhambalan pa sya G-A-G-O

88

BACOLOD CITY – Ginsita sang isa ka lalaki nga nagpakilala nga pulis ang isa ka traysikol driver kahapon sa Hernaez St., Brgy. Taculing, Bacolod City.

Nakilala ang driver nga si Renato Alquizar, 64 anyos ang edad, pumuluyo sang Gold land Village, Brgy. Taculing.

Suno sa amo nga driver mga las 9:30 kahapon sang aga durante nga ini sya ang naga maneho sang iya trasikol hinali na lamang ini nga ginbalabagan sang isa ka pick-up nga ginamaneho sang wala niya nakilala nga tawo.

Nag-gwa ang driver sang pick up kag nagpakilala nga miembro siya sang PNP kon diin iya gintiklod ang traysikol driver kag ginhambalan nga G-A-G-O.

Ginpahayag sang biktima nga naglakat na lamang siya agud nga makalikaw sa gamo apang sa ila pag-abot sa St. Francis Ave., sa Dona Juliana, liwat nga nag-abtanay ang pick up.

Didto kag liwat liwat nga ginsita sang nagpakilala nga police ang driver kadungan sa pagkuot sa iya bulsa kag hana nga daw may gabuton.

Bangud sa kahadlok naglakat na lamang ang traysikol driver kon diin sang ulihi ini siya ang ginsugiran sang iya abyan nga sang nakahalin na ang biktima, ginkuha sang suspek ang iya armas./dyHB BACOLOD

Facebook Comments