Davao City – Gikalipay sa mga magtutudlo sa pampublikong tulonghaan, ang pag-isyu ni Vice President ug Deped Secretary Inday Sarah Duterte sa Deped Order #21 series of 2023 nga nagmando sa pagtanggal sa mga hulagway ug dekorasyon sulod sa mga classrooms.
Gikanayon ni Barangay Talandang Elementary School Principal Tata Andrade, dakong bintaha kanila ang Deped Order No.21-2023, kay nakadaginot sila sa galastohan sa pagpanindot sa ilang mga classrooms pinaagi sa mga dekorasyon ug hulagway sa mga Bayani, sa mga Pangulo sa nasod ug uban pa. Matud ni Andrade, gasto kini kay ang salapi nga gigamit sa ilang kaugalingong bulsa.
Kumento pa sa maong School Head, nindot man gihapon ang ilang mga classrooms tungod sa kolor sa pintora ug nahamugaway usab ang sulod, sanglit limpyo na kining tan-awon.
RadyoMaN Joel Viray
Facebook Comments
