Gipaubos karon sa validation sa Cebu Provincial Police Office ang report nga ilang nadawat nga adunay mga drug personalities sa dakbayan sa Talisay nga nagtampo-tampo ug dakung kantidad aron likidahon ang mga polis bugti sa P20,000 nga bayad .
Matud sa hepe sa CPPO nga si Sr. Supt. Manuel Abrugena wa pa nila makompirmar ang maong impormasyon , hinungdan nga nimando dayon kini sa hepe sa Talisay City Police Station nga si Supt. Marlu Conag nga susihon ang taho .
Apan pabilin nga gipasidan-an ni Abrugena ang mga polis sa Talisay nga mag-amping ug magbantay sa ilang mga lakaw ,human usab ang usa nila ka kauban nga si PO1 Jaylord Taping napusilan samtang kini nagsurveillance.
Dugang ni Abrugena nga di lang hinoon mga pulis lang sa Talisay ang mamahimong target sa mga durugista kung dili lakip na usab sa ubang bahin sa Sugbu nga naigo sa kampanya sa kapolisan .
