General Santos City–Gibisita ni Ret. P/Major Gen. Felizardo Serapio Jr.- Napolcom Commissioner ang mga pulis sa General Santos City Police Office ala 1:00 ang takna sa hapon kagahapong adlawa.
Sumala ni Comm. Serapio nga usa ang GSCPO sa mga lugar nga nahimo matud pang memorable sa dihang anaa pa siya sa serbisyo isip Regional Director sa PRO 12 kung diin nakita matud pa niya ang daghan nga kabag-ohan.
Samtang ang pag hatag ug mga tips sa kapulisan sa Gensan ang iyahang tumong sa syudad aron usab nga mas mapakusgan ang ilahang pagbantay sa kahapsay ug kalinaw sa syudad ug kung unsaon ang pag pakusog sa police operations.
Dugang pa ni serapio nga sa karon ginadevelop matud pa nila sa PNP ang inter agency coordination, pinaagi matud pa niini mapaabot sa komunidad sa kapulisan ang kanunay anaa sa kadalanan ang mga problema sa ubang community base agency sa goberno ug ipaabot man usab sa kapulisan sa mga agency concern aron usab nga maaksyonan.(Dave Silagan)
