Mga pulis sa Initao, naghandom sa ilang kaubang namatay sa pagbuto sa granada nga usa ka bayani atol sa National Heroes Day

43

Gihandum sa kapulisan sa Initao, Misamis Oriental ang ilang kaubang si Police Senior Master Sergeant Jason Magno atol sa pagsaulog sa National Heroes Day kagahapong adlawa.

Kini pinaagi sa pag-post sa ilang social media page og artcard nga adunay hulagway ni Magno, kinsa namatay niadtong Nobyembre 2019, human kini nakig-ilog og granada gikan sa usa ka tiguwang sulod sa usa ka tunghaan sa Initao, Misamis Oriental.


Sa maong artcard nakalatid ang linya nga “Heroes are ordinary people who make themselves extraordinary” ug hashtag nga #PagpupugaySaMgaBayaningPulis ug #PagsaludoSaBayaningPulis.

Gideklara si Magno nga bayani tungod kay ubay-ubay nga kinabuhi ang iyang naluwas nga naglangkob sa iyang mga kaubang pulis ug mga estudyante.

Atol sa haya ni Magno, personal nga mibisita sa Initao si Presidente Rodrigo Duterte aron itunol ang Order of Lapu-lapu Magalong Medal ug Medal of Valor. *

DIVINA M. SUSON INITAO, MISAMIS ORIENTAL



Facebook Comments