*General Santos City— Naka-balik sa nagkadaiyang assignment ang ubang pulis nga na-unang gi-deploy sa probinsya sa North Cotabato sa gipahigayong plebesito sa pito ka munisipyo sa probinsya.*
*Sumala kang Police Superintendent Aldrin Gonzales, tigpamaba sa Police Regional Office 12 nga sa karon matud pa, ilaha nalang ginahulat ang direktiba gikan kang Police Chief Superintendent Eliseo Rasco, Regional Director sa PRO 12 alang sa pagpull-out sa kapin 500 nga gipang-deploy.*
*Saysay niini nga sa kasamtangan, nagpabiling hapsay ug malinawon ang tibuok rehiyon ug nahimong malinawon ang resulta sa plebesito.*
*Samtang sa area of responsibility sa militar nagpabilin matud pa nga malinawon. Kini ang gibutyag Ni Major General Cirilito Sobejana, Commanding Officer sa 6th Infantry Division.*
*Sumala niya nga ilaha nalang ginahuwat ang opisyal nga deklarasyon sa kung unsa nga mga munisipyo sa North Cotabato ang lakip sa Bangsamoro Autonomous Region In Muslim Mindanao kon BARMM.*
*Iyaha usab gilauman nga magpadayon ang kalinaw sa tibuok area of responsibility sa 6th ID.*
