Nanawagan karon ang Department of Social Welfare and Development Northern (DSWD) Mindanao ngadto sa mga pulitiko nga midagan sa Sangguniang Kabataan (SK) ug Barangay Election nga dili hadlokon ang mga benipisaryo sa Pantawid Pamilyang Pilipino Program (4Ps) nga programa sa gobyerno.
Sa interview sa RMN Malaybalay ngadto kang Oliver Inodeo ang focal person sa 4Ps nga adunay uban nga nagpapili sa posisyon nga gamiton ang 4Ps sa pagpanghadlok sama sa tangtangon sa pagka-miyembro kon dili iboto ang maong pulitiko.
Dugang ni Inodeo nga walay bisan kinsa nga pulitiko ang makatangtang sa mga benepisaryo gawas lamang sa buhatan sa DSWD.
Kon aduna may tangtangaon ipaagi pa kini sa masusing proseso kon angayan pa ba sa programa ang usa ka benipisaryo ug dili ang usa ka pulitiko nga nagpapili sa usa ka posisyon.
Gipasalig sa DSWD ngadto sa publiko nga tanan nga mga politiko partikular na ang mga kandidato sa nagsingabot nga barangay elections ang wala sumala pay kontrol sa mga pinili nga Pantawid Pamilya beneficiaries.
Dungan niini, gipasalig ni Inodeo nga ilang gi-respito ang katungod sa matag miyembro kung kinsa ang ilang pilion basta dili lamang gamiton ang ngalan sa 4ps.
Gihagit pa ninii ang bisan kinsa nga makasinati ug pagpanghulga gikan sa mga kandidato nga ipa-blotter ug itaho gilayon sa ilang buhatan.
