Davao City – Nanawagan karon ang Chairperson sa Committee on Health Davao City Council sa katawhan sa syudad sa Davao nga likayan ang pag-discriminate sa mga Person Under Monitoring ug dunay travel history abroad.
Sumala ni Davao City 3rd District Councilor Joselle Villafuerte, dili nato angay sila i-discriminate kay under monitoring man lang sila ug dili positibo sa COVID-19 rason nga walay ikabalaka ang komunidad kabahin nila.
Usa sa mga gihangyo ni Villafuerte, dili sila i-harass, libakon o i-tsismis ug labaw sa tanan dili i-butang sa social media ang ilang mga pangalan pinaagi sa facebook ug uban pa.
Tungod niini gipasalig ni Villafuerte nga ang gobyerno naningkamot aron dili mokalat ang maong balatian sa komunidad.
RadyoMaN Bernard Pantallon
