Pagadian City – Nagpasalamat si Maharlanny Alonto sa Lanao del Sur Provincial Social Welfare and Development Office sa gihatag nga relief goods sa RMN DXPR Pagadian nga mokantidad sa halos tulo ka gatos ka libo pesos.
Sumala ni Alonto igo na ang maong gidaghanon alang sa mga bakwit nga anaa nagpabilin sa kapitolyo probinsyal sa Lanao del Sur.
Gibiyahe sa mga staff ug volunteers sa RMN Pagadian ang Marawi City sa halos unom ka oras arun alang itunol sa mga biktima sa kagubot ang mga nahipos nga relief goods nga gipanghatag sa mga Non Government Organizations ug mga tigpaminaw sa niining sibyahan.
Lakip sa team nga mibiyahe ang Airforce Tactical Operation Group -9, 1st Field Artillery Battalion, 1st CAV ug ORACIS Pagadian.
Ang mga donasyon gilangkuban sa mga de latang pagkaon, bugas, bulad nga isda ug mga magamit pang sinina.
Gipaniguro usab sa PSWD nga maapuran ang bakwit sa mga gigahin nga hinabang.
