Gikumpirma ni Police Senior Inspector Robert Fores deputy station commander sa Makar Police Station nga napasang-at na ang kasong pagsupak sa Republic Act 8353 o Anti-Rape Law of 1997 ang duha ka mga suspetsado nga nilugos sa mga biktima.
Butyag ni Senior Inspector Fores samtang anaa sa kustodiya sa presinto ang duha ka mga suspetsado sa kasong lugos nga nahitabo niaging semana namatikdan nga wala na kaayo gitagad sa paryente sa biktimang anak nga gilugos sa kaugalingong amahan.
Nibati matod pa og tukmang kasuko ang iyaan sa 13 anyos nga batang babaye ngadto sa suspek tungod positibong gilugos niini ang biktima base sa resulta sa medico legal.
Samtang desido sad nga nipasang-at og reklamo ang menor de edad nga gipuli-pulihan og lugos sa tulo ka mga suspetsado human nadakpan ang usa kanila pinaagi sa citizen arrest sa mga nakakita sa panghitabo.
Dugang ni Fores mihimakak ang suspek sa alegasyon og nagkanayon pa kining dili kuno pormal nga babaye ang menor de edad nga biktima human nikuyog og tagay kanila hinungdan natigayon ang krimen.
Gipakaminusan hinuon sa pulis ang depensa sa suspek tungod desidido ang biktima nga pasakaan kinig kaso.
*For more info’s and updates, like and share our official facebook account : www.facebook.com/ifm91.9Gensanofficial/ <www.facebook.com/ifm91.9Gensanofficial/>*
