General Santos CityGibutyag ni Police Lt. Col. Aldrin Gonzales ang tigpamaba sa Police Regional Office-12 nga aduna nay mga pulis nga naghatag sa ilang affidavit of complaint batok sa mga namuno sa Police paluwagan Movement o (PPM) sa Rehiyon 12.
Sumala pa ni Police Lt. Col. Gonzales nga human nagpakanaog ug memorandum ang Napolcom nga dili makasohan ang mga pulis nga nabiktima sa Ppm gilayong nanggawas ang mga pulis nga nabiktima.
Samtang gikumperma usab ni Gonzales nga dili magpasang-at ug kasong administratibo si Police Brig. General Elesio Rasco ngadto sa mga biktima sanglit iyahang giawhag ang uban pang biktima nga maghatag na sa ilahang affidavit.
Dugang pa ni Lt/Col Gonzales nga sa karon padayon ang pag abot sa mga nabiktima sa PPM hinungdan nga dili pa niini mabutyag kung pila gayud ka pulis ang nabiktima sa maong scam.
Samtang mag basi man usab ang kapulisan sa mga ipasa nga affidavit sa mga biktima sa ayha sila mag pagawas sa kinatibuok-ang kantidad nga nakuha sa mga biktimang mga pulis. (Dave Silagan)
