Davao City – Gibutyag sa City Transport and Traffic Management Office kun CTTMO ang mga rekomendasyon nila nga isumite ngadto sa Department of Public Works and Highways kun DPWH XI human nga gisirad-an ang Talomo Bridge I ning syudad kagahapong adlawa, Hunyo 21, 2018.
Sumala ni CTTMO head Dionisio Abude atol sa interview sa tulumanong Serbisyong Straight to the Point sa DXDC RMN Davao, girekomenda niini nga kinahanglan ayuhon ug humanon ang mga road widening ug road constructions sa Libby Bridge sa may Baliok Toril lakip ang road constructions sa alternate route padulong sa Catalunan gikan sa Mintal.
Dugang obserbasyon sa hepe nga kinahanglan usab ipangbalhin ang ubang poste sa Davao Light and Power Company (DLPC) diin ang uban niini matud pa nakaharang na sa mga agianan sa mga sakyanan ug ang mag wirings sa PLDT o DLPC nga kinahanglan patas-an aron usab dili masangit ang mga dagkong truck.
Kini sumala pa ang pipila ka mga rekomendasyon sa CTTMO gikan sa ilang nahimong obserbasyon diin ila kining isumite ngadto sa DPWH-XI nga mamahimong basehan alang sa road widening project sa Talomo Bridge II.
RadyoMaN Renz Barbarona
