Gintiro sang riding tandem criminal si Barangay Upper Sepaka Kapitan Pudi Ambalgan pasado alas 8:30 kagaina sang aga kadungan sang ginapatigayon nga farmers day sa banwa.
Ang kapitan ang nagtambong suno pa sa nasambit nga aktibidad sang ginluthang sang mga suspek malapit sa roundball sang banwa.
Suno kay Police Chief Inspector Jardi Mont Sibal, Chief of Police ng Surallah Municipal Police Station sa inisyal nila nga imbestigasyon nakaangkon sang duha ka igo sang bala sa iya dughan si Ambalgan.
Gilayon naman nga gindala sa pinakamalapit nga ospital ang biktima samtang madasig naman nga nakapalagyo ang mga suspek sakay sa motorsiklo.
Sa subong nagapadayon pa ang imbestigasyon sang kapolisan sa nasambit nga insidente kag hot pursuit operation sa mga suspek.
