Mga reporter nagpadrug test

Boluntaryong nipaubos ug drug test ang mga tigbalita sa Sugbu nga na-assign sa paghipos ug balita gikan sa kapolisan ug militar.

Dul-an sa 20 ka sakop sa Defense-PNP Press Corps nga gipanguluhan sa ilang presidente nga si Arnold Bustamante sa RMN- Cebu ang nangu sa pagpaubos sa drug test pinaagi sa PNP Crime Laboratory –Central Visayas.

Subay niini gidayeg ni Cebu City Police Office chief, Police Colonel Gemma Vinluan ang gibuhat sa mga tigbalita nga usa ka paagi sa pagpakita ug suporta sa kampanya batok sa ilegal nga drugas.


Gipaabot pa karon ang resulta sa maong drug test.

Facebook Comments