i Balita
July 04, 2020
(Photo from web)
MGA RESIDENTI SANG ZONE 1 CALUMPANG, MOLO NAG- ALBUROTU MATAPOS MAHIBALUAN NGA WALA MAPANAGTAG ANG MGA RELIEF GOODS NGA NAKA- STOCK SA SULOD SANG BARANGAY.
Ginkaakig sang mga residenti sa zone 1, barangay Calumpang, Molo ang indi pagpanagtag sang mga relief goods nga naka-stock lang sa Day Care Center sang barangay.
Suno sa reklamo sang mga residenti, wala mapanagtag sa ila ang mga relief goods sang yara pa sa hugot nga quarantine ang ila barangay.
Ginpahayag man sang mga ini, nga para kontani sa zone 1 ang nasambit nga relief goods apang bangud nga nagpirma sila sa petisyon batok kay Punong Barangay Roberto Nino Jr. sa pagpahalin sa barangay secretary nga si Geraldine Blanco wala ini ginhatag sang barangay sa ila.
Dugang pa sang mga tagreklamo dapat kontani nga ipanagtag na ini bag-o pa man indi na mapuslan bangud nga nakit-an nila nga nagakabasa na sang ulan ilabi na ang bugas.
*Tags**:Luzon,Visayas,Mindanao,Kandingmybangs, iFM Fans Club OFW Chapter, iFM iloilo*
