Davao City-Malaumon ang mga Roxas Night Market Bombing Survivors nga maangkon nila ang hustisya sa umaabot nga panahon. Sumala ni Dennis Larrida namatyan sa asawa ug nag-inusarang anak sa pagbuto sa bomba sa Roxas Night Market sa nakalabay’ng tuig, ilawom sa lederato ni Davao City Mayor Inday Sara Duterte Carpio, ilang makab-ot ang hustisya. Matud ni Larrida, kanunay niyang gina-ingganyo ang uban pang mga kaubanan nga mga biktima nga di mawad-an ug paglaum ug magpakabuhi diha sa Ginoo.
Samtang sa hinabang nga gihatag kanila sa gobyerno, wala nagkulang tungod kay wala sila pagsadi sa kagamhanan human sa insidente. Tungod niini nagpasalamat sila sa tanang tabang nga gihatag kanila. Apan giklaro usab ni Larrida nga dili pa gyud siya 100% nga nakarecvoer na, apan nagpadayon ang iyang recovery gikan sa mapait nga insidente.
Sa pikas bahin bisan ug gamay lang ang samad nga nahiaguman ni Cherry Ann Lopez sa iyang likod, apan ang trauma nga iyang nasinatian lisud mawala. Matud ni Lopez, ang leksyon nga iyang nakat-onan mao ang kanunay nga magbinantayon, apan lahi na karon kung itande kaniadto human gipatuman ang martial law tungod kay mas safety karon ang katawhan tungod kay daghang mga sundalo ug police sa palibot ilabina sa syudad sa Davao.
Kahinumduman, namatay ang asawa ug nag-inusarang anak ni larrida, samtang si Lopez naigo sa iyang likod human mibusikad ang bomba samtang nanuroy kauban ang iyang amiga nga balikbayan, mikabat sa 15 ang namatay samtang dol-an 70 ang mga nasamdan.
Kasamang Bernard Pantallon
