ILOILO CITY – Nakilala na ni City Councilor Joshua Alim ang sakay sang salakyan nga makapila ka beses nga nakita nga nagakalikbalik sa premises sang iya balay sa distrito sang Jaro.
Suno kay Alim sakay sang salakyan ang duha ka pulis nga katapo sang intelligence division.
Gindugang pa sang konsehal nga nagasurveilance ang duha ka pulis bangud may naga-alegar nga ginatago niya ang iya anay kliyente nga akusado sa kaso nga large scale estafa sa probinsya sang Guimaras nga suspect ang isa ka Malaysian national.
Una nga ginpost ni Alim nga may nagatuyo sang iya kabuhi bangud sang iya ginadala nga kawsa. Ini nga kawsa amo ang pagpamalabag niya sa renewal sang franchise sang PECO.
Subong man ginbasol ni Alim ang pulis bangud wala nagcoordinate sa iya.
Apisar nga naathagan na sa nakita nga salakyan nga nagabalikbalik sa iya balay gin-ako ni Alim nga wala sya gihapon nagakumpyansa. Panawagan niya isyu lang kag wala sang personalan.
Base sa mga posts ni Alim may mga pabati-bati nga ang tawo nga poisible magahalit sa iya ang mga tawo sang PECO.
