General Santos City—Gikabutyag ni Lt.Col Datu Hasbi Jamalul ang Executive Officer sa Joint Task Force Gensan Philppine Army nga walay nahimong problema ang gipahigayon nga local absentee voting nga gipasiugda sa Comelec ngadto sa ilahang headquarters karong adlawa kung asa mobotar lamang sila og mga senador og partylist.
Sumala pa ni Jamalul nga gihatagan sila og tulo ka adlaw sa Comelec aron sa pagboto gumikan kay dili tanan makaboto sa usa lamang ka adlaw tungod kay nakadeploy matud pa ang uban nilang kaubanan sa mga nagkadaiyang detachment ug uban pang lugar apan gipaniguro niini nga sa tulo ka adlaw makaboto gayud ang tanan.
Samtang saysay man usab sa opisyal nga mas gipahugtan pa nila ang pagbantay sa seguridad sa dakbayan sa pakig alayon usab sa kapulisan ilabi na nga nagkaduol na ang eleksyon karong Mayo 13 sa tumong aron lamang gayud masiguro ang siguridad sa tanang katawhan sa syudad sa Heneral Santos.
