General Santos City—Gi-impound sa buhatan sa Highway Patrol Group-12 sa Camp Fermin Lira ang mga sakyanan sa mga pulis nga adunay kwestyonable nga mga papeles human ang gipahigayon nga simultaneous lockdown sa mga kampo sa kapulisan sa Rehiyon 12 aron sutaon kung sakto ba sa papeles nga gina gamit sa mga police personnel sa pro 12.
Sumala pa ni Police Lieutenant Lino Capillan ang tigpamaba sa Police Regional Office 12 nga mikabat ngadto sa 553 ka mga sakyanan sa personnel sa kapulisan sa rehiyon ang nacheck sa kapulisan kung asa migula nga sa 268 ka sakyanan sa kampo sa PRO-12, 8 ang nakitaan ug problema.
Samtang sa 91 uno ka sakyanan sa Camp Fermin Lira 13 niini ang nakitaan ug problema samtang sa Cotabato Provincial Police Office, South Cotabato Provincial Police Office, Sultan Kudarat Provincial Office ug Sarangani Provincial Police Office ang walay natalang bayolasyon.
Samtang wala man usab nalakip dinhi ang mga sakyanan sa pulis nga anaa sa mga Police Stations ug Municipal Police Stations.
Gipa klaro usab ni Lt. Col. Capillan nga minor nga bayolasyon lang ang nakita sa mga sakyanan sa mga police sama sa wala natransfer nga mga pangalan sa tag-iya gikan sa ilahang gipalitan sa sakyan.
Duna usay mga pulis ang gilayong nicomply sa ilahang mga kulang ug gilayon usab nakuha ang ilahang mga sakyanan nga na-impound sa buhatan sa Highway Patrol Group.
Mapasalamaton usab si Capillan nga walay pulis sa rehiyon ang nagagamit ug mga ebidensyang sakyanan. Usa matud pa kini ka pamaagi ni Chief PNP Archie Gamboa aron siguroun nga bisan ang mga pulis ang dili exempted sa baluod ug gikinahanglan nila kining sundon isip parti sa internal cleansing sa nasudnong kapulisan.(Dave Silagan)
