Davao City- Mokabat sa 80 ka mga sakyanang iligal nga nagaparada ang nasita ug na-issuehan ang mga drivers niini og Temporary Operating Permits (TOPs) sa gikasang operasyon sa Davao City Police Office kun DCPO- Traffic group kagahapong adlawa.
Kini maoy gibutyag ni DCPO Traffic Group Chief Ernesto Castillo atol sa interview sa DXDC RMN Davao diin ilang gisugdan ang ilang road clearing operation kagahapong adlawa ug kutob pa kini karong bag-ong tuig.
Dugang ni Castillo, gawas sa illegal parking, tutukan usab nila ang naga-illegal terminal, side vendors ug uban pa aron maminusan ang nakaharang sa kadalanan ug aron makuhaan ang bug-at nga trapiko sa kadalanan dinhi sa syudad.
Gani padayong pahugtan sa maong grupo ang ilang operasyon sa nagdakaiyang parte sa syudad sa Davao sama sa mga malls diin asa sagad guot ang dalan.
Pahimangno sa traffic group nga musunod sa balaod trapiko aron hapsay ang byahe sulod ug gawas sa dakbayan.
RadyoMaN Renz Barbarona
