Mga sari-sari store nga nagbabaligya hin medisina, dadakpon na

184

Nakakapalit la gihapon iton molupyo hin medisina ha mga tindahan ha ligid ligid o di ngani ha mga Sari sari Store. Yana panawagan han Department Of Health o kun DOH ngan Food and Drug Administration o kun FDA nga diri na pumalit hin bis ano nga medisina ha mga Sari sari Store.
Labot la nga diri talaga pwede magbaligya ini hira hin mga medisina, waray ka daw liwat madadaupan kun ha sitwasyon sayop an imo natumar. An solusyon didto nala pumalit ha mga parmasya nga sigurado may mga parmacist nga mag aasist ha imo.
Sumala kan Allan Orcado, President han Drug Store Association of the Philipines, dadakpon na hiton FDA iton mga tindahan nga nagbabaligya hin mga medisina
Padayon nga nag eeksplenar ngan diri daw nagkukulang iton buhatan nga didto gud pumalit ha mga lihitimo nga Drug Store.
Pinaka importante han ngatanan, medisina ini nga gintutumar ngan dako ini nga epekto ha aton panlawas
Sumala kan Dr. Sonia cabahit han FDA, 50, 000 pesos iton penalidad ha mga sari sari store nga nagbabaligya hiton medisina. Pwede magsumat ha hotline numbber han FDA; 0916-446-6256.


Facebook Comments