Gitinguha karon ni Konsehal Roger Abaday ang Chairman sa komitba sa Senior citizen nga magmugna og Technical Working Group kon TWG.
Matud ni Konsehal Abaday, kini ang mopanday sa balaod aron maatiman ang mga hamtong nga anaa sa kadalanan nagpalimos.
Ang TWG langkuban sa chairman sa komitiba, uban sa representante sa City legal Office, City Administrators Office, City Social Services and Development Office ug Residential Care for the elderly.
Nasayran nga tumong niini nga mahipos ang mga hamtong nga anaa namalimos sa kadalanan kinsa gipasagdan lang sa mga tagtungod.
Samtang nalooy ug nabalaka si Konsehal Roger Abaday niining mga hamtong nga gipasagdan sa ilang kabanay ug anaa sa dalan nagpalimos.
Matud ni Konsehal Abaday nga delikado niini ang pagkatulog daplin sa dalan, tungod kay duol sila sa disgrasya.
Dugang pa ni Konsehal Abaday, nga plano karon sa konseho nga kung mahipos na ang mga hamtong, didto kini temporary nga ipahimutang sa Residential Care for the Elderly nga nahimutang sa Upper Puerto ning dakbayan.
Nasayran nga kung mailhan kung kinsa ang mga tagtungod sa himoong profiling, i-uli kini ug ipasabot kanila nga kung mausab pa ang pagpasagad sa ilang kabanay, mag-atubang kini sa silot o multa.
