Nahidangat kaganinang kaadlawon sa pantalan sa lungsod sa Nasipit, Agusan del Norte ang mokabat sa 705 ka mga Locally Stranded Individuals (LSI) nga gikan sa Metro Manila ug Cebu sakay sa barko nga iya sa 2GO travel.
Gisugat sa tagsa-tagsang mga local nga panggamhanan ang mga LSI’s ug diretsong ihatud sa quarantine facilities alang sa 14 ka adlaw nga kwarantina subay sa kalagdaan sa Department of Health (DOH).
Dali usab sila’ng ipaubos sa rapid test ug kung magpositibo hayan nga kuhaan gilayon ug swab sample alang sa RT PCR Test.
Lauman na usab ang dugang ihap sa mga kaso sa COVID 19 dinhi sa rehiyon sa Caraga sanglit sa nanglabay nga mga higayon kadaghanan sa mga nagpositibo sa virus ang mga Returning Overseas Filipinos (ROF) ug Locally Stranded Individuals (LSI).
