Guipos, Zamboanga del Sur – Giparada sa kadalanan og gipasidunggan kagahapon pinaagi sa heroe’s welcome ang tropa sa mga bayaning sundalo nga mibalik sa ilang mother unit gikan sa engkwentro sa syudad sa Marawi.
Alas -5 sa hapon kagahapon gipasidunggan ni Lt. Col. Virgilio Hamos Jr. ang tropa sa 53rd Infantry (Matapat) Battalion nga gipangunahan ni Lt. Ronald Fuentes sa simple nga seremonyas sa Camp Sabido, Guipos, Zamboanga del Sur.
Ang tropa ni Lt. Fuentes ang nagsilbing 1st responder human nanginahanglan og Augmentation troops sa pagsugod sa kagubot sa Marawi City gumikan sa Maute-ISIS kaniadtong bulan Mayo.
Nahimong emosyonal ang heroe’s welcome dihang gisugat sa ilang pamilya.
Sumala ni Lt. Fuentes sa interview sa RMN nga nawala ang ilang kakapoy ug kaluya dihang gisupresa sa ilang kauban sa tropa.
Sigon ni Lt. Col. Hamos, adunay 136 ka mga sundalo nga gikan sa 53rd IB ang napadala sa marawi og duha niini ang samaran.
Usa ang patay nga si Cpl. Rudillo Bartolome human gipusil sa Monte Alegre, Aurora, Zambonga del Sur samtang pauli na unta sa iyang pinuy-anan.
