General Santos City—Bisan ang 6th Infantry Division Philippine Army nanagndam usab sa posibleng rescue operations nga pagahimuon tungod sa paghapak sa bagyong Vinta sa mga lugar nga sakop sa ilang area of jurisdiction.
Sumala ni Army Capt. Arvin Encinas- tigpamaba sa 6thID nagpahigayon usab sila ug monitoring sa Maguindanao Province ug Sultan Kudarat ilabi na sa mga lugar nga delikado sa baha ug landslides.
Gani kagahapong adlawa nakasinati ang probinsya sa Maguindanao ug madag-umon nga kawanangan ug panaLAGSA nga pagbundak sa ulan.
Pasalamat lang usab si Army Capt. Encinas nga wala nila masinati kagahapon ang kusog nga bundak sa ulan nga dala sa bagyong Vinta sama sa nahitabo sa Cagayan De Oro City ug ubang party sa Mindanao.
Luyo niini nagpabilin matud pang alerto ang ilang tropa sa posibilidad nga rescue operation kung dunay mangayo ug tabang. Kahibaluan nga lakip ang Sultan Kudarat ug Maguindanao sa nabutang sa alert level no. 1 tungod sa maong bagyo.(Jordan Britos)
