Kumalarang, Zamboanga del Sur – Nagtoo ang mga supporters ni Kumalarang Mayor Roel Molina nga usa ka political harassment ang gipakanaog nga resolution sa Sangguniang Panlalawigan nga nagsuspenso sa Mayor sulod sa unom ka bulan.
Ang desisyon sa Sangguniang Panlalawigan sa Zamboanga del Sur nagsilot kang Molina sa kaso nga administratibo gumikan sa pag-designate ni Ronnel Tahud isip Human Resource Management Officer nga kanhing Supervising Administrative Officer IV sa Legislative Office.
Nagbarikado ang mga supporters sa Mayor atubang sa munisipyo aron pagpakita sa ilang pagpasibaw sa ilang suporta kang Maolina ug pagprotesta sa maong suspension order.
Una nang gisulti ni Atty. Banjo Cordero nga usa ka kalapasan ang pagbarekado sa sakop ni Molina kay dili pribado nga lugar sa Munisipyo.
Hinoon mamahimo nga makalingkod pagbalik si Molina kun ugaling makakuha kini og Temporary Restraining Order ngadto sa opisina sa presidente sa nasod.
Mahinumduman nga ikaupat na kini nga higayon nga gi-suspenso si Molina sukad niadtong tuig 2020.//CTTO
