General Santos City–Malampusong naiskop sa mga personahe sa Police Station 3 ang tulo ka mga gitudlong reponsable sa pag dungab patay sa usa ka customer sa explore bar niadtong milabay nga tuig kung asa gitabangan matud pa sa mga suspect ang biktima.
Gi-ila ni Police Major Ruelito Lumiguid ang hepe sa Police Station 3 ang mga suspect nga silang Kenneth Orquista, 18 anyos, laborer nga nanimuyo sa Zone 3, Barangay Buayan ning syudad ug Vicente Orquista, 22 anyos nga nanimuyo sa maong lugar kung asa nasikop ang mga nasangpit alas 11:45 ang takna sa gabie sa Zone 3, Barangay Buayan.
Samtang alas 4:00 sa buntag sa misunod nga adlaw nasikop usab ang lain pang kauban sa mga suspect nga si Dominic Licayan. 25 anyos ug nanimuyo sa maong dapit kung asa nasikop kini sa J. Catolico Ave. Barangay Lagao.
Ang tulo ka mga suspect ang parehong nag atubang ug kasong murder nga gipakanaug sa sala ni Hon. Judge Joseph Palmes niadtong Pebrero 13, 2020.
Sa kasamtangan, commitment order nga upakanaog sa korte ang gihuwat sa kapulisan aron nga mabalhin na sa Gensan City Reformatory Center ang suspect, samtang padayon pang gipangita sa kapulisan ang lain pang kauban sa mga nahisgutan. (Dave Silagan)
