General Santos City–Pormal nang napasakaan ug kasong estafa sa Police Station 4 silang Herwil Delara, 36 anyos ug Marvin Vidal, 26 anyos nga parihas nanimuyo sa Agan North Phase 4, Barangay San Isidro ning syudad human kining masikop sa gipahigayon nga entrapment operation sa police station 4.
sumala pa ni Police Major Alex Lanestosa ang hepe sa Police Station 4 nga alas 2:00 ang takna sa hapon gi-inquest na ang mga nahisgutang suspect sa sala ni Procecutor Vinchito Bangayan.
Ang mga nahisgutang mga suspect ang lider matud pa sa usa ka investment scam nga minilyon nga kwarta usab ang nasibat gikan sa ilahang mga investor.
Dugang pa ni Major Lanestosa nga nakasa ang maong entrapment operation batok sa mga nahisgutang suspect human nga mi-duol sa ilahang buhatan ang mga biktima nga pulos mga negosyante nga sumala pa subling naga pa-pay-in ang magtiayon bisan wala pa sila nakahatag sa gisaad nila nga interest sa ilahang mga unang investor.
Nasayran nga alas 5:00 ang takna sa buntag gipahigayon ang maong operasyon sa panimalay sa mga nahisgutang suspect kung asa midawat matud pa kini ug P10,000 gikan sa mga biktima ug didto gisikop ang mga nahisgutan.
Sa karon gipaabot nalang matud pa ni Major Lanestaosa ang dugang mga reklamante sa nahisgutang mga suspect samtang nag tingkagol kini sa ilahang selda. (Dave Silagan)
