Roxas City, Capiz – Nadakpan na sang mga otoridad ang tatlo ka mga suspek nga nagkawat sang pusil nga ginapanag-iyahan ni Police Lt Roque Gemino samtang ini ang nagakatulog sa sulod sang iya boarding house sa Poblacion Tacas banwa sang Pontevedra.
Sa follow-up operation natigayon nga madakpan ang mga suspek nga ginkilala kanday Mark Jomil Ballera, 21-anyos; Carlo Fuentes, 22-anyos kag Dominic Degala, 19-anyos nga lunsay mga residente sang banwa sang Panit-an.
Ang mga ini ang nadakpan sa may boundary sang Jumaguicjic kag Brgy San Jose Roxas City kun sa diin natigayon nga marekober ang .9mm caliber pistol, laptop kag wallet samtang ang cash nga balor P10, pesos ang wala na mabawi sang mga otoridad.
Nadakpan ang amo nga mga suspek sa bulig sang CCTV footage kag sang isa ka persona nga nagtimbre sa mga otoridad angut sa lokasyon sang mga ini.
Natalana nga pasakaan sang nagakaigo nga kaso ang nasambitan nga mga persona.
