GENERAL SANTOS CITY- Nasikop ang tatlo ka menor de edad ug laing usa sa pagpanglugos sa 15 anyos nga dalagita.
Ang mga gitudlong nanlugos kaniya nga nag-edad og 14, 15, 16 samtang ang usa nagpangidaron og 20-anyos nga nailhan sa pangalan nga si Arboy Bohol nga residente sa Brgy. Labangal ning syudad.
Hugot nga gipanghimakak ni Bohol nga gilugos nila ang 15-anyos.
Gibutyag niya nga pasado alas 12:00 sa tungang gabie miaging adlaw dihang nakit-an nga nagbaktas ang biktima nga nakaila usab kaniya. Dayo matud pa sa Makar ang biktima ug kalit lang muabot sa lugar pagka-alas 12:00 sa gabie. Apan natingala sila nga pagkabuntag, sila ang gitudlo sa biktima nga nanlugos kaniya.
Nagtuo matud pa si Bohol nga nalugusan na ang biktima una nila nakit-an sa dalan nga nagbaktas tungod kalkag na kaayo matud pa ang buhok niini og wala mayo pagkaplastar ang sapot og short lakip ang bra.
Sa pahayag usab sa 16 anyos, lango sa ilimnong makahubog ang biktima, galaway ug may mantsa pa sa dugo og short dihang ilang nakit-an hinungdan nga gi-alalayan ug gidala sa videokehan aron makatulog.
Apan magmata ang biktima ug mugawas hinungdan nga ilaha na lang gipasagdan.
Ang upat ka suspek ang nagpabiling balhug sa selda sa Makar Police Station.
Unsa man ang imuhang rekasyon niini bestfriend?
For more info’s and updates, like and share our official facebook account www.facebook.com/ifm91.9Gensanofficial/
