GENERAL SANTOS CITY – Nag-atubang na sa mga kaso ang mga suspek sa managlahing operasyon nga gipahigayon sa Lagao Police Station niaging adlaw.
Gipasang-atan og kaso pinaagi sa inquest proceeding si Mary May Gador alyas Mahal sa pagbayolar sa Comprehensive Dangerous Drugs Act human madakpan sa drug entrapment sulod sa lodging house niaging adlaw.
Ingon man gipasang-atan na sad og kaso pinaagi sa regular filing ang at-large nga suspek sa paghupot sa loose firearms nga si Aljay Rafanan human gironda sa kapolisan ang iyang gipuy-an sa may Barangay Buayan pinasikad sa search warrant.
Sa karon padayong gipangita si Rafanan og gihulat sa kapolisan nga mapagawas ang warrant of arrest niini samtang nagpabiling nakapaslak sa lock up cell sa Lagao PNP si Gador.
